Este ano encontramos cazús. Este é un instrumento moi sinxelo e barato que soa estrepitosamente a impulsos de resoplidos ó facer vibrar unha membrana que leva incorporada. Úsase moito nas murgas e comparsas dos Carnavais para acompañar as coplas cantadas. Engádímoslle un tubo macarrón usado para a condución dos cables eléctricos e pegámoslle ó tubo, para facer o instrumento máis vistoso, cinta illante de cores difrentes. No extremo oposto ó cazú, pegámoslle o cabezal dunha botella de plástico e… trompeta feita.

O pase de diapositivas require JavaScript.

Con bolsas de plástico realizamos o traxe para a Comparsa Petapouco. É un deseño sinxelo, pero moi colorido. Traxe gris-prata, cinto de cores variadas e espalda con cintas coloridas, a modo de tunos. Na faciana, cada neno/a levará a súa careta e, na mán, o instrumento musical.

O pase de diapositivas require JavaScript.

Para crear a Chinto necesitouse un mono vello de traballo, zapatos vellos, bufanda, palla, follas de xornal, fío, careta  e silicona quente. Os catro últimos elementos témolos na aula e o outro material foi traído polos rapaces, agás a palla que nola facilitou Marica Carme Alvarellos (esta profe sempre está en todo, non sei que vai ser do Cole sen ela). Os rapaces/as encheron a tripada de Chinto e fixéronlle o pelo con tiras de folla de xornal. Pegámoslle a careta a unha bola plástica chea de palla e confeccionamos a cabeza. Sobre o cranio fomos pegando con silicona unha a unha cada tira de xornal, a modo de mechóns de pelo. Pintámoslle estes cabelos con pintura variada e … cabeza feita. Xunguimos a cabeza ó corpo  por medio dun pau que cravamos no tronco e na cabeza. Na boca de Chinto colocamos un bo puro de papel de xornal. Finalmente pegámoslle os zapatos á tea do pantalón e… quedou Chinto listo para a súa presentación en sociedade, na entrada do Colexio. Alí estará estes días recibindo á xente que nos visite e para entretemento dos alumnos/as.

O pase de diapositivas require JavaScript.

A segunda parte da confección de caretas é o seu pintado. Aquí, cada alumno/a amosa os seus gustos. Primeiro deixeilles escoller entre as pinturas que na aula había para que diseñasen a faciana da careta. Unha vez pintadas a maioría, deilles a escoller entre repintalas con sprai de ouro, prata, gris… Moitos decantáronse por este outro método. Sobre a pintura de sprai aínda fresco, espolvorearon purpuriña e, o resultado, quedou realmente fermoso.. Aquí unha pequena mpostra.

O pase de diapositivas require JavaScript.