O pase de diapositivas require JavaScript.

Aí vai unha mostra fotográfica bastante completa da confección de caretas en escaiola. En primeiro lugar, embadúrnase a cara con nivea para evitar posibles alerxias; colócase unha bolsa de plástico sobre a cabeza para que os pelos non se peguen á escaiola e, sobre os hombros, cúbrese pescozo e peito para non manchar a roupa. A continuación e sobre unha mesa, colócase un prato con auga, unha tesoira e o tubo de escaiola que se vai usar. Acto seguido, córtase unha tira de tea con escaiola, dóbrase sobre si mesma para reforzala e móllase sobre a auga; déixase escorrer un pouco sobre o prato e aplícase sobre a cara do neno/a, presionando lixeiramente e extendendo ben a escaiola que se vai ablandando sobre a tea; cos dedos alisamos esa superficie para que quede máis fina e vámoslle dando, ó mesmo tempo, forma sobre a cara, evitando taparlle os ollos, a boca e o nariz. Repetimos esta acción ata cubrir a forma que queremos realizar da careta. Finalmente, sácase e colócase sobre unha fonte de calor para que se seque máis rápido.

Feito este esqueleto, queda unha segunda parte consistente en mellorar as formas, engadirlle elementos decorativos,  pintalas e barnizalas.