oasteleiro

O venres, 25 de maio, fomos de excursión a Valarés todos os cursos de Infantil e Primaria. Saímos en autobús ata a aldeíña de O Couto. Desde alí, os de Primaria partimos andando por un camiño que nos foi levando ata as dunas que hai no empezo de A Barra. Que ben o pasamos! Uns ían cantando, outros falando e todos mirando a paisaxe fermosa chea de flora e fauna singulares deste ecosistema único na Costa da Morte. No camiño, encontramos un miradoiro de aves, recén feito. Á dereita, o monte Branco; á esquerda, o río Anllóns perezoso antes de bañarse na balsa de A Ínsua, zona intermareal, que recibe as augas atlánticas da ría de Corme e Laxe. As dunas! Que gozada! Desde o picote delas, lanzabábanos polas súas empinadas abas ata chegar ó fondo. Si, claro, enchémonos de area. Pero disfrutamos a cachón.

Ás doce, tocou merenda que nos trouxeron os de Protección Civil. Desde as dunas camiñamos pola beiriña da costa seguindo un sendeiro ata Valarés. Valarés! Que espazo tan fermoso e acolledor! Un piñeiral salpicado de mesas de pedra granítica para a restauración e o descanso á sombra do sol abrasador. E unha praia, mellor dito, dúas praias en marea alta e media, de augas frías pero refrescantes nos días de verán. 

Xantamos por cursos, merendamos xeados mercados no chiringuito do restaurante e rematamos xogando na praia. Os quintos retamos aos de sexto a un xogo futboleiro moi simpático sen balón. Gañaron porque abusaron un pouco da súa forza, pero para o ano que ven habemos de gañar nós ós de 5º

Ás catro voltamos para o Colexio. Viñemos cansos, pero felices

O pase de diapositivas require JavaScript.

Este venres fomos a Santiago de Compostela. Fixemos 2 Km de percorrido dende o Convento de San Domingos de Bonaval, o Museo do Pobo Galego, ata a Alameda . Vaia camiñata !!!

No museo do pobo galego vimos  cousas antigas, e outras que aínda facemos,    coma a artillería, as vestimentas, os instrumentos, algúns instrumentos de música e a PRECIOSA escaleira helicoidal.

No museo de arte contemporáneo  fixemos casas para bichos que nos mesmos deseñamo.Tamén vimos e explicamos algunhas obras.

Comeramos no xardín de Bonaval, estábase moi ben alí!!!

Fomos ata a Catedral e vimos o “Pórtico da Gloria” , a tumba de Santiago apóstolo, tamén abrazamos o apóstolo.

E, ao fin chegamos ata a alameda que pena que non puiderámos visitala.

Simón e Marcos

O pase de diapositivas require JavaScript.